Өгөгдөл хадгалах бодлого
Tootsool.mn нь таны өгөгдлийг үйлчилгээ үзүүлэхэд шаардлагатай хугацаанд л хадгалж, зорилгодоо хүрсний дараа устгана (Хүний хувийн мэдээлэл хамгаалах тухай хуулийн 15.1.3).
Компанийн өгөгдөл хэзээ устах вэ
- Эзэн өөрөө устгасан бол.Тохиргоо хуудасны "Устгах" товчийг дарж компанийн нэрээ бичмэгц тэр дор нь устна. Сэргээх боломжгүй.
- 1 жил төлбөр төлөөгүй бол. Захиалгын хугацаа дууссанаас хойш 1 жил болоход.
- 1 жил нэвтрээгүй бол. Захиалга идэвхгүй бөгөөд компанийн хэн ч 1 жил нэвтрээгүй үед.
Сүүлийн хоёр тохиолдолд устгахаас 30 хоногийн өмнө компанийн эзний и-мэйл рүү сануулга илгээнэ. Тэр хугацаанд захиалгаа сунгавал устгал автоматаар цуцлагдана. Сануулга хүрээгүй бол устгахгүй. Захиалга идэвхтэй компанийн өгөгдлийг хэзээ ч автоматаар устгахгүй.
Устгахаас өмнө тайлан, бүртгэлээ Excel-ээр татаж авах боломжтой.
Хадгалах хугацаа
| Өгөгдөл | Хугацаа | Үндэслэл |
|---|---|---|
| Компанийн бүртгэл (материал, түрээс, нэхэмжлэх, акт), ажилтны мэдээлэл | Данс идэвхтэй байх хугацаанд | Доорх нөхцөлөөр устгана. |
| Захиалгын төлбөрийн баримт (QPay нэхэмжлэх, төлбөрийн дугаар) | 10 жил | Нягтлан бодох бүртгэлийн тухай хуулийн 11-р зүйл. Компани устсан ч баримт үлдэнэ. |
| Аюулгүй байдлын бүртгэл (нэвтрэлт, эрх өөрчлөлт, IP хаяг) | 1 жил | Зөвшөөрөлгүй хандалтыг илрүүлэх, шалгах. |
| Хариугүй эсвэл шийдэгдсэн урилга, нэгдэх хүсэлт | 90 хоног | Зорилгодоо хүрсэн. |
| Платформын зарлал, мэдэгдэл | 1 жил | Зорилгодоо хүрсэн. |
| Шийдэгдсэн санал хүсэлт | 2 жил | Үйлчилгээг сайжруулах. |
| AI туслахад таалагдсан / таалагдаагүй гэж үнэлсэн асуулт, хариулт | 1 жил | Туслахын хариултыг сайжруулах. Компани устахад хамт устна. |
| Нэвтрэлтийн session, нууц үг сэргээх холбоос | Хугацаа нь дуусмагц | Зорилгодоо хүрсэн. |
| И-мэйл хүлээж авахгүй хаягийн жагсаалт (bounce, спам гомдол) | Хугацаагүй | Устгавал тэр хаяг руу дахин илгээгдэнэ. |
Хамгаалалт
Өгөгдлийг AES-256 шифрлэлттэй сан дээр хадгалж, зөвхөн HTTPS-ээр дамжуулна. Нууц үгийг шифрлэсэн (hash) хэлбэрээр хадгалдаг тул бид ч харах боломжгүй. Мэдээллийн аюулгүй байдлын осол гарвал хувийн мэдээлэл нь өртсөн хэрэглэгчдэд даруй мэдэгдэнэ.
Асуулт, хүсэлт: info@tootsool.mn